នៅព្រឹកថ្ងៃអាទិត្យ ទី២៨ ខែមករា ឆ្នាំ២០២៤ ធនាគារ សាខមប៊ែង ខេមបូឌា បានប្រារព្ធដោយជោគជ័យ នូវសន្និបាតបូកសរុបលទ្ធផលការងារឆ្នាំ២០២៣ និងការអនុវត្តផែនការអាជីវកម្មក្នុងឆ្នាំ២០២៤ នៅសណ្ឋាគារ Sun & Moon Riverside ។

នៅក្នុងអង្គសន្និបាតនេះផងដែរ យើងមានកិត្តិយសទទួលស្វាគមន៍វត្តមាន អស់លោក លោកស្រី ជាថ្នាក់ដឹកនាំនៃធនាគារ សាខមប៊ែង និងអស់លោក លោកស្រីជាសមាជិកក្រុមប្រឹក្សាភិបាល គណៈអគ្គនាយក និងបុគ្គលិកទាំងអស់របស់ធនាគារ សាខមប៊ែង ខេមបូឌា។

ឆ្នាំ២០២៣ ត្រូវបានបញ្ចប់ជាផ្លូវការដោយមានការប្រែប្រួលនិងបញ្ហាប្រឈមសម្រាប់សេដ្ឋកិច្ចពិភពលោកនិយាយជារួម និងប្រទេសកម្ពុជានិយាយដោយឡែក ខណៈពេលដែល ធនាគារ សាខមប៊ែង ខេមបូឌា ក៏ទទួលបាននូវលទ្ធផលគួរឱ្យលើកទឹកចិត្តផងដែរ។ ឈានចូលឆ្នាំ២០២៤ ជាមួយប្រធានបទ “ពង្រឹងប្រតិបត្តិការ និងការបង្កើនល្បឿនអាជីវកម្ម” ថ្នាក់ដឹកនាំនៃធនាគារ សាខមប៊ែង និងធនាគារ សាខមប៊ែង ខេមបូឌា បានចេញគោលនយោបាយផ្តល់នូវដំណោះស្រាយ តម្រង់ទិសសំខាន់ៗ និងការអនុវត្តយ៉ាងខ្លាំងក្លា និងជាពិសេសការផ្តោតសំខាន់ទៅលើដំណោះស្រាយដែលជួយលើកកម្ពស់ និងបង្កើនបទពិសោធន៍ធនាគារឌីជីថលសម្រាប់អតិថិជន។ ឆ្លៀតក្នុងឱកាសនេះផងដែរ ធនាគារ សាខមប៊ែង ខេមបូឌា បានផ្តល់កិត្តិយស និងលិខិតសរសើរដល់បុគ្គលទាំងឡាយដែលបានចូលរួមចំណែកយ៉ាងច្រើន និងសម្រេចបានសមិទ្ធផលដ៏ឆ្នើមក្នុង២០២៣។